كتر الكلام من الحكومة الامريكية وترامب تحديداً لحظر تطبيق تيك توك , والكلام اللي كنا بنقوله علية مجرد احتمالات أصبح أمبارح حقيقة وبدأت المفاوضات لبيع تيك توك (الجزء الأمريكي) لشركة امريكية
ودة بصراحة هو الحل الأفضل لتيك توك حالياً لأن أى محاولة منها لعدم البيع ممكن يخسرها كل حاجة ويتم حظر التطبيق في أمريكا وما تاخدش ولا دولار , فالبيع نظرياً هو أفضل الحلول , وهنا يا سيدي بدأ أسم شركة مايكروسوفت يدخل على الخط وأنها اللاعب المحتمل للاستحواذ على تيك توك في أمريكا ودة بصراحة كلام مُقنع شوية لأن الشركات الاربعة الكبار فيسبوك وجوجل وأبل وأمازون كانوا لسة على الشواية الاسبوع اللي فات في جلسة أمام الكونغرس واتهامات بالاحتكار , ففكرة أن شركة من الاربعة دول تدخل تشتري تيك توك هتكون صعبة شوية ,هى مش مستحيلة لكنها صعبة
السؤال الان قيمة تيك توك في أمريكا ممكن تساوي كام ؟ شوف هو ما فيش تقييم دقيق أوي لكن في تكهنات كدة أن قيمة الجزء الأمريكي ممكن يوصل الي 5 مليار دولار وممكن الرقم دة يقل بسبب أن الشركة مُجبرة على البيع , وللعلم مش ميكرسوفت فقط هى اللي عايزة تشتري تيك توك أمريكا لا عندك كمان والت ديزني وشركة فريزون مهتمين كمان بالصفقة
ووجهة نظري (اللي ممكن تكون خطأ) فكرة إجبار شركة صينية على بيع جزء منها هى فكرة هتجيب مشاكل أكبر في الفترة اللي جاية وممكن نشوف شكل تاني من الحرب التجارية ,بس المرة دي هتكون فيها الصين هى اللي بتهاجم مش أمريكا .
No comments:
Post a Comment